Қалалық ғылыми-практикалық конференциясының ережесі

1. Жалпы ереже

            Ғылыми-практикалық конференция  білім бөлімінің ғылыми-әдістемелік орталығының 2017 жылына арналған іс – шаралар жоспарына сәйкес өткізіледі.

2. Конференцияның мақсаты мен міндеттері

2.1. Ғылыми-тәжірибелік конференцияның мақсаты:  қазіргі білім саласындағы өзгерістермен таныстыру, мұғалімнің кәсіби деңгейін арттыру, мұғалімнің кәсіби дамуы саласындағы практикалық және ғылыми-зерттеушілік тәжірибелерімен алмасу.

2.2. Міндеттері:

• пән мұғалімдерінің тәжірибелік білімдерін жаңарту, пәндерді оқытудың сапасын жетілдіру;
• оқу үрдерісінде ақпараттық технологияларды пайдалана отырып функционалдық сауаттылықтарын дамыту, оқыту мен тәрбиенің инновациялық әдіс-тәсілдерімен таныстыру;
• ұстаздардың шығармашылық әлеуетін дамытуға, ынта - ықыласын көрсетуге, ғылыми-әдістемелік бастамаларын ашуға қолдау көрсету;
• педагогтердің кәсіби дамуын және өз білімін көтеру үдерісін ынталандыру.

3. Конференция жұмысының бағыттары:

• мектепте оқу процесін ұйымдастыруда әдістемелік тәсілдемелер;
• білім беру мекемелерінің оқу үрдістеріне ұйымдық басқару, ғылыми - әдістемелік, психологиялық - педагогикалық қолдау көрсету;
• заманауи сабақ: мұғалімнің инновациялық қызмет негізі;
• гуманитарлық бағыттағы пәндер сабақтарында білім сапасын басқарудың ақпараттық технологиялары;
• педагогтың зерттеу жұмысы өзінің кәсіби шеберлігін дамыту факторы;
• тәжірибелік-педагогикалық зерттеулер және олардың нәтижелері;
• Үштілдік білім берудің тұжырымдамалық негіздері;.
• Білім мазмұнын жаңарту жағдайындағы пән мұғалімдерін дайындау әдістемесі.

4. Конференцияға қатысушылар:

            Білім беру ұйымдарының басшылары, орынбасарлары, пән мұғалімдері, психологтар, әлеуметтік педагогтар. 

5. Конференцияның ұйымдастыру комитеті:

5.1. Ұйымдастыру комитетінің құрамы:

Сагиндыкова К.А., ҒӘО директоры – төрайымы

Сражиева Г.М., ҒӘО директордың орынбасары – төрайымының орынбасары.

Ұйымдастыру комитетінің мүшелері:

Талипбаева Г.С., әдіскер

Тастанбекова К.А., әдіскер

Халиева Б.Е., әдіскер

Муслимова С.Ө.,әдіскер

Ибраева Р.С.,әдіскер

Оспанова Ж.А.,әдіскер

Орынбекова Д.Б.,әдіскер

Раимова Ш.М., әдіскер

Бердимуратова Ұ.,әдіскер

Сыздыкова Ж., әдіскер

Нарбаева Р., әдіскер

Салыбекова М., әдіскер

Аульбаева Р., әдіскер

Базарбаева С., әдіскер

Сулеймен А., әдіскер

5.2. Ұйымдастыру комитеті ғылыми-практикалық конференцияның дайындығына және өтуіне байланысты іс-шараның дұрыс орындалуын анықтайды, бақылайды, конференция нәтижесін талдайды, конференция қорытындысын насихаттауды жүзеге асырады, БАҚ-қа, білім бөлімің сайтына жариялайды.

5.3. Ұйымдастыру комитеті ұсынылған материалдардың ғылымилығын, логикалық бірізділігін және практикалық маңыздылығын бағалау үшін сарапшылар тобын құрады, оның қызметінің тәртібін анықтайды.

5.4. Сарапшылар тобы конференцияға ұсынылған жұмыстарға сараптама және талдау жүргізіп, материалдарды жазу мен безендіруге байланысты сұрақтарға кеңес береді, ҒТК жинағына жариялау үшін мақалаларды іріктейді, конференцияға қатысушыларды анықтайды.

6. Мақаланы рәсімдеуге қойылатын талаптар

6.1. Мәтіннің көлемі 3 бетке дейін, А-4 форматты, қазақ немесе орыс тілінде болуы керек, «Times New Roman», «Kz Times New Roman» редакторларында 14 шрифтімен теріліп, 1(бір) жоларалық интервалымен болуы қажет. Екі жақ жиегі 2 см.

6.2. Автордың аты-жөні, жұмыс орны, қала/аудан атауы (Times New Roman, KZ Times New Roman шрифтісімен, курсив, 14 кегль), қағаз бетінің жоғарғы оң жақ бұрышына орналастыру қажет (үлгіге қараңыз).

6.3. Мақала атауы (Times New Roman, KZ Times New Roman шрифтісімен, қою қара әріптермен, 14 кегль, жазу әріптерімен) – қағаз бетінің ортасында (үлгіге қараңыз) болу керек.

6.4. Негізгі мәтін (14 кегль) Times New Roman шрифтісімен 1 (бір) жоларалық интервалмен орындалады (үлгіге қараңыз). Негізгі мәтіннің қызыл жолағы 1 см, көлденеңінен тегістеледі, мәтін тасымалы автоматты түрде жасалады, нөмірленбейді. 

6.5. Әдебиеттер тізімі негізгі мәтіннен кейін жазылады. (Times New Roman, KZ Times New Roman шрифтісімен 14 кегль) (үлгіге қараңыз).

6.6. Әдебиетке сілтемелер мақала мәтінінде шаршы жақшаларда беріледі. Онда қолданылған әдебиет тізімінің № және бет № жазылады. 

6.7. Суреттер *.bmp ,*.tif, *.jpg, *.wmf  форматтарында немесе Microsoft редакторында ақ-қара түсте орналастырылады. Суреттердің жазуы 12 шрифтімен, курсивпен, суреттің төменгі жағында, ортасында болуы қажет.

6.8. Кестелер Word немесе Microsoft Excel кестелер редакторларында орындалып, Microsoft Word құжатына орналастырылады. Кесте жазулары 12 шрифтімен, курсивпен кестенің жоғарғы жағында, ортасында орналасуы қажет.

6.9. Формулалар MS Word Equation формула редакторында орындалады.

7. Мақаланы бағалау критерийлері:

· жұмыстың өзектілігі;

· мақала мазмұнының конференция тақырыбына сәйкестігі;

· зерттеушілік сипаты;

· практикалық маңыздылығы;

· тақырыптың толық ашылуы;

· мазмұндау стилі;

· мақала құрылымы.

8. Конференцияны өткізу шарттары және қорытындысы

8.1. Конференцияның өтілу уақыты: 19 -20 сәуір 2017 жылы, сағат 15.00

8.2 Ғылыми-практикалық конференция екі кезең бойынша өтеді:

· пленарлық мәжіліс;

· секциялық отырыстар.

8.3 Қатысушылар мақала мәтінін конференцияға қатысу жөнінде өтінімімен қоса әр әдіскердің электронды поштасына жіберу қажет.

8.4. Құжаттар 2017 жылдың 15 сәуіріне дейін қабылданады.

Байланыс телефондары:

8 775 566 00 17 -ҒПК ұйымдастыру комитеті