Жалпы білім беретін ұйымдардың бірінші басшыларына

Шымкент қаласының білім бөлімі, Ұлттық тестілеу орталығының (бұдан әрі-ҰТО) 2017 жылғы 1 наурыздағы №15-10-5/7-408 хатына сәйкес төмендегіні хабарлайды.

Ағымдағы жылы 11 (12)-сынып білім алушыларын қорытынды  аттестаттау Қазақстан Республикасының «Білім туралы» Заңына және «Білім алушылардың үлгеріміне ағымдық бақылау, аралық және қорытынды аттестаттау өткізудің үлгілік ережелерін бекіту туралы» Қазақстан Республикасы Білім және ғылым министрлігінің 2008 жылғы 18 наурыздағы №125 бұйрығына (2016 жылғы 16 қарашадағы №660 бұйрығымен өзгеріс енгізілген) сәйкес өткізіледі.

Осыған орай, қорытынды аттестаттауды жүргізу мақсатында келесі іс-шаралар жүзеге асырылады.

1. 11 (12)- сынып оқушылары контингенті бойынша мәліметтер (бітірушілер саны, таңдау пәндерді, тапсыру тілдері) білім беру ұйымының жауапты тұлғасымен ҰТО әзірлеген Web- қосымша арқылы  2017 жылы 1-15 наурыз аралығында толтырылады.

Web-қосымшаға сілтеме және пароль, қосымшамен жұмыс істеу  нұсқаулығы  ҰТО филиалдары арқылы жіберіледі. Білім беру ұйымының жауапты тұлғасы Web- қосымшамен интернетке қосылу мүмкіндігі бар кез-келген жерде жұмыс істей алады;

Өзбек, тәжік, ұйғыр тілінде білім алған бітірушілер информатика пәнін қазақ немесе орыс тілінде тапсырады.

2. Контингент бойынша деректер базасы жабылған соң толтырылған мәліметтер Web- қосымшадан шығатын үлгі бойынша білім беру ұйымы директорымен бекітіледі және сканерленіп, Web-қосымшаға жүктеледі (деректер базасын жабу мерзімі -15 наурыз 2017 жыл);
3. ҰТО-ның білім беру ұйымдар базасында тіркелмеген білім беру ұйымдарын базаға енгізу үшін шұғыл түрде  Қосымшада көрсетілген мәліметтер мен құжаттарды ҰТО филиалы арқылы ҰТО-ға жіберу керек;
4. 11 (12)-сынып оқушыларын қорытынды аттестаттаудың емтихан материалдары 2017 жылғы  23 мамырға дейін білім басқармасына «Қазпошта» арқылы жіберіледі.

Емтихан материалдары әр білім беру ұйымы бойынша қапшыққа салынады. Қапшықта Интервоид-пакет (ана тілі мен әдебиеті, алгебра және талдау бастамалары, Қазақстан тарихы пәндері бойынша емтихан сұрақтары) және қорап (сұрақ-кітапшалары, дұрыс жауаптар коды, тыңдалым және информатика пәні бойынша тест тапсырмалары жазылған CD-дискі) болады.

Алгебра және талдау бастамалары пәнінен оқыту бағытына, тапсыру тіліне сәйкес 2 конверт салынады (біріншісі негізгі, екіншісі-қосалқы).

Қосалқы конверт емтиханға дәлелді себептермен қатыса алмаған бітірушілер үшін емтихан күні ауыстырылған жағдайда ашылады;

5. Жазбаша емтихандардың материалдары 1 данадан берілетіндіктен, аудитория санына қарай білім беру ұйымында көбейтіледі;
6. Қораптағы қазақ тілі, орыс тілі, шет тілі, информатика пәндері бойынша тест тапсырмалары жазылған CD-дискі 1 данада беріледі. Дискідегі материал тестілеуден жарты сағат бұрын аудитория санына қарай техникалық құрылғылар түріне сәйкес тасмалдағышқа көшіріледі;
7. Жауап  парақтарының электронды  нұсқасы  2017 жыл 10 мамырдан кейін білім басқармасының және ҰТО филиалдарының электронды пошталарына жіберіледі. Жауап парақтары білім беру ұйымында қорытынды аттестаттауға қатысатын бітіруші санына сәйкес көбейтіледі;
8. Қорытынды аттестаттау нәтижелерін өңдеу Комиссия мүшелерімен жүргізіледі.
9. Емтихан  материалдарының алыс-беріс актісі ҰТО базалық филиалы арқылы жіберіледі.

  Бөлім басшысы                                                                        Ж.Тажиева